NURAN

NURAN — Azərbaycanda retro və müasir üslubu birləşdirərək yeni tərz yaradan artistdir. Uşaqlıqdan musiqi mühitində böyüyən NURAN illər ərzində vokal və səhnə bacarıqlarını təkmilləşdirərək öz bənzərsiz üslubunu formalaşdırıb. Uşaqlıqdan aldığı vokal təhsili onun səhnə enerjisinə və ifa tərzinə güclü təsir göstərib.

Retro musiqinin ruhunu müasir səslənmə və fərqli vizual konseptlə birləşdirən NURAN, Azərbaycanda bu istiqamətdə fərqli bir dalğa yaradıb.

2024-cü ildə çıxan “Çağır Məni” adlı mahnısı ilə böyük populyarlıq qazanaraq karyerasında dönüş nöqtəsi yaradıb. Ardınca yayımlanan mahnıları da geniş dinləyici kütləsi tərəfindən sevilərək milyonlarla izlənmə toplayıb.

NURAN hazırda Azərbaycanın musiqi məkanında retro estetikanı modern təqdimat və fərqli səhnə dili ilə təqdim edən ən önəmli yeni nəsil artistlərdən biridir. Onun yaradıcılığı nostaljini bu günlə birləşdirir və dinləyicilərə həm keçmişin dadını, həm də bu günün ritmini hiss etdirir.